فايل اكسبلورر كامل في الترمنال

منذ 7 أشهر · 1 دقيقة قراءة
متاح:

الاداة اللي معانا النهاردة هي اداة اوبن سورس مدعومة تقريبا علي كل انظمة التشغيل. الأداة دي اسمها Broot وهنتسعرض دلوقتي بعض مزاياها

  • اول حاجة معانا هي سهولة الحركة واللي بتكون عن طريق الاسهم
  • الحاجة التانية هي امكانية عرض الملفات داخل الترمنال في شكل Right split و الموضوع ده ينطبق برضه علي الصور
  • غير كده هو عنده compatibility كويسة انه يفتح برنامج خارجي لعرض الملف لو ده بالنسبة لك هيكون افضل

  • كمان ميزة مهمة جدا وهي انه يقدر يعرض الفولدر والفولدرات اللي تحته في صورة شجرة واللي بيديك صورة افضل وبيكون خفيف جدا نظرا لان الكلام ده من الترمنال مش جرافيكال

  • اضافة لكده بالنسبة للعرض في صورة شجرة ف هو ممكن يعرض حجم كل فولدر ف تقدر تعمل space usage analysis بشكل سهل وبسيط

دي كانت اكتر الخصائص اللي شايفها مميزة, برضه في حاجات تانية زي

  • عمليات التعديل علي الملفات زي نقلها من مكان لمكان تاني
  • البحث عن ملف
  • عمل ترتيب للملفات
  • اظهار حالة التغير بالنسبة للملفات لو الفولدر ده فيه git

اخيرا, شايفها اداة لطيفة وممكن توفر كتير خصوصا لو بتستعمل ترمنال كتير ومش حابب تتحرك كتير للجرافيكال فايل اكسبلورر

Github Repo: https://github.com/Canop/broot

Installation instruction: https://dystroy.org/broot/install/



Suggestions and feedback are welcome with ❤️ at [email protected]