16060123053319

من السهل تغيير الأجهزة: الأساليب والأدوات للمحترفين والمبتدئين

منذ 5 أشهر · 1 دقيقة قراءة

بعد استعمال لينكس وماك بشكل اساسي ل حوالي 9 سنين و حوالي 6 لابتوب ما بين شخصي و خاص بالشركة, في موقف مميز جدا كان بيمر عليا كل نقلة الا و هو اني ازاي اخلي البيئة بتاعة الشغل جاهزة زي ما انا عايز في اقل وقت

أهم من الشغل .. تجهيز الشغل

طب ايه اللي هننقله؟؟

اول حاجة في تقسيمة لطيفة كده شغال ومرتاح جدا بيها (طبعا لو في اي اقتراح ف هو مرحب بيه جدا)

التقسيمة دي كالأتي:

  • الاختصارات (Aliases): ودي بتسهل شغلك جدا وبتنجز معاك في الوقت فوق ما تتخيل. وهنا في نصيحة مهمة وهي: اخترع اختصاراتك بإيدك ﻷن في الحقيقة رغم ان في اختصارات كتير متاحة اونلاين بس اللي انت بتعمله بنفسك بتفتكره احسن و بيكون اسهل في الاستعمال اوي وكمان مش بتحتاج تحفظه لانه ليك انت وانت اللي عامله مش ناسخه من اي مكان
    وهنا بنقول ان الاختصار ممكن اي شيء حتي لو شوية حروف ملهمش معني المهم ان انت فاهم هم بتوع ايه
    تخزين ال aliases هيكون في ملف اسمه .aliases ومكانه هيكون في الهوم فولدر

# ~/.aliases

# Git
alias gs='git status'
alias gl="git log --graph --pretty=format:'%C(yellow)%d%Creset %C(cyan)%h%Creset %s %Cgreen(%cr) %C(bold blue)<%an>%Creset' --abbrev-commit --date=short --all"
alias gac='git add . && git commit -m '
alias gc='git commit -m '

# Docker
alias drm='docker rm -f '
alias dl='docker logs '
...

  • نيجي بقي لتاني حاجة وهي ال configuration بتاعة الابلكيشن اللي بتستخدمها
    ودي في اغلبها هتلاقيها حاجات اللي بتطلب تعديل في ال PATH عشان تشتغل كويس او ال Environment Variables
    ودي هنعملها ملف وليكن اسمه .shell-app-config ومكانه هيكون في الهوم فولدر برضه

# ~/.shell-app-config

# Jenv
export PATH="$HOME/.jenv/bin:$PATH"
eval "$(jenv init -)"

# APACHE MAVEN
M2_HOME='/opt/apache-maven-3.9.3'
export PATH="$M2_HOME/bin:$PATH"
...

  • ثالث حاجة معانا هي ال Variables: ودي في اغلبها هتلاقيها عبارة عن secrets زي Github token مثلا
    ودي هنعملها ملف وليكن اسمه .variables ومكانه هيكون في الهوم فولدر برضه

# ~/.variables
export GITLAB_ACCESS_TOKEN=
export DIGITALOCEAN_TOKEN=
...

التجميعة بقي

كده احنا عندنا 3 ملفات وكل واحد بيخدم هدف مختلف هنحتاج بقي نخليهم يبقي شغالين معايا وده عن طريق ان هاضيفهم في نهاية ملف ال .zshrc او .bashrc حسب اي نوع انا باستخدمه.
بعد اضافتهم شكل اخر جزء في الملف هيبقي كده

# ~/.zshrc Or ~/.bashrc

.
.
.

source ~/.variables
source ~/.aliases
source ~/.shell-app-config

بالتعديل اللي عملناه ده هنلاحظ كذا فايدة كمان اضافة لسهولة الانتقال لنظام تشغيل مختلف او جهاز مختلف

  • zshrc بقي فاضي تقريبا و مش هتبقي بتعدل فيه كتير
  • مع وجود كومنتات واضحة جوه ال 3 ملفات اللي قلنا عليهم هتلاقي التعديل والاضافة شيء سهل جدا و هتلاقي البيئة بتاعتك واعدادك ليها بيتطور مع الوقت
انت بتعيش كتير مع الترمنال, حافظ علي جوده البيئة اللي انت شغال فيها هترتاح جدا

ونقول تاني, تجهيز الشغل اهم جزء في الشغل
Suggestions and feedback are welcome with ❤️ at [email protected]